AUDIO KAJIAN ISLAM

BERBAGI BUKU ISLAM

TULIS nama, alamat lengkap & nomor HP/WhatsApp pada KONTAK

TATA CARA SHALAT

MEDSOS ISLAM

FACEBOOK Komunitas Misykat

YouTube Channel MISYKAT TV 

YouTube Ngobrol Persatuan Islam 

BAHAN BACAAN
PENGUNJUNG

Flag Counter

Jalaluddin Rakhmat, Kyai Sunda Modern

image

Saha ari Jalaluddin Rakhmat? Anjeuna tenar disebat Kang Jalal. Ayeuna mah tiasa disebat Kyai Sunda. Anjeuna ahli komunikasi, mubaligh, sareng cendekiawan Islam anu parantos seueur nyerat buku. Langkung ti 40 buku anu parantos diserat sareng medal.

Kantenan dina jurnal atapi koran mah jigana aya kana ratusan artikel. Salian ti eta Kang Jalal sering janten narasumber dina acara TV, radio, online, jeung sajabana.

Kagiatan anjeuna di sagedengeun ngajar di universitas sareng masihan elmu dina seminar-seminar, Kang Jalal oge sok ngersakeun ngeusi pangaosan minggonan di Masigit Al-Munawwarah, Kiara Condong Bandung. 

Kang Jalal pituin urang Sunda. Lahirna di Bojongsalam Rancaekek, Kabupaten Bandung, Jawa Barat. Putra tokoh Islam sareng ambuna ustadzah anu unggal maghrib nuju alit sok ngawuruk maca kitab koneng.

Dugi kiwari Kang Jalal tiasa maca kitab-kitab Islam anu ngangge basa Arab. Kitu deui kitab anu diseratna dina basa Inggris sareng Walanda mah geus teu kedah dicatur. Cobian bae ameng ka bumina. Lomari tepas bumina reumpeug ku kitab sareng buku wedalan luar nagari sareng basana ngangge basa asing.

Kang Jalal kantos nyantri di pasantren. Kang Jalal sakola dugi S3 (doktor). Anjeuna disebat pelopor elmu komunikasi di Universitas Padjajaran Bandung. Jigana ampir sadaya mahasiswa katut dosen anu ngawulang elmu komunikasi pada make buku-buku anu diserat Kang Jalal. Hususna dina widang elmu komunikasi. 

Dina unggal taun sok diulem ka luar nagari keur konferensi atawa seminar. Anu biasa mah ka Iran. Anjeuna disebat ulama Indonesia. Enggal keneh Kang Jalal diulem konferensi ulama Islam sadunya di Iran. Teras aya fotona nuju sasalaman sareng ulama Iran. Kantos oge disuhunkeun pidato payuneun Ahmadinejad, presiden Republik Islam Iran sateuacan Hasan Rouhani.

Kang Jalal numutkeun abdi mah kawas ulama kapungkur. Ulama ti Tatar Sunda anu kantos ka luar nagari sarta tenar di antawisna: Nawawi Albantani, Hasan Mustapa, Abdullah bin Nuh, Abdul Fatah Gozali, jeung sajabina.

Kiwari Kang Jalal  ngiring aub ngurus bangsa jeung nagara Indonesia ngalangkungan kawijakan DPR RI. Sabab Anjeuna janten anggota DPR RI periode 2014-2019. Teras dina pemilihan umum 2019 Kang Jalal ngiring deui nyalonkeun janten caleg DPR RI ti partei PDI Perjuangan.

Misi utama Anjeuna hoyong ngangkat darajat mustadhafin sareng ngiatkeun ideologi Pancasila di masyarakat Indonesia. Tangtosna neraskeun perjuangan di DPR anu kiwari katingalna seueur keneh anu kedah diberesan. Utamina dina pasualan undang-undang anu mihak ka rahayat alit sakumna urang Indonesia.

Tah ngan sakitu. Sugan jeung sugan aya anu sanes ngaguar aspek liyanna ti DR.KH.Jalaluddin Rakhmat. Sabab Kang Jalal atos teu kaetang dijantenkeun bahan riset skripsi, tesis, sareng disertasi. Tangtos eta pakuat kait sareng kontribusina dina widang agama, komunikasi, kamasyarakatan, sareng sajabina.

Simkuring salaku anu kenging manfaat elmu pangaweruh tina buku-buku sareng ceramahna, umajak sadaya wargi urang maosan karya buku-buku Kang Jalal. Urang lenyepan sagala paripolah sareng kontribusina keur umat manusa. Insya Allah pasti aya manfaatna keur urang sadaya. *** (Ahmad Sahidin)

Thu, 11 Oct 2018 @19:15

Copyright © 2018 Misykat · All Rights Reserved